Ti nagan ti Filipinas (Filipino/Tagalog: Pilipinas [pɪlɪˈpinɐs], Espaniol: Filipinas) ket naipangyababa iti porma iti Ti Is-isla ti Filipinas, a naala manipud kenni Ari Felipe II ti Espania idi maika-16 a siglo. Idi las-ud ti ekspedision ni Ruy López de Villalobos kadagiti Isla, ti marinero nga Espaniol a ni Bernardo de la Torre ket inusarna ti nagan iti Las Islas Filipinas a kas pammadayaw idi ti Prinsipe ti Asturias, a kasisigud a mangibaga kadagiti isla ti Leyte ken Samar.[1][2] Urayno ti kaadda dagiti dabali a nagan, ti nagan iti Filipinas ket kanungpalan nga isu ti nagan nga inampon ti intero a purpuro.
Ti opisial a nagan ti Filipinas, nupay kasta, ket nagbalbaliw kadagiti kurso ti pakasaritaanna. Idi las-ud ti Yaalsa ti Filipinas, ti estado ket bukod a nagtawtawag iti República Filipina, nga itan ket kinunkuna a kas ti Umuna a Republika ti Filipinas. Manipud iti paset ti panawen ti Gubat ti Espaniol–Amerikano ken ti Gubat ti Filipino–Amerikano aginggana iti Mankomunidad, dagiti kolonial a turay ti Estados Unidos ket tinawtawagada ti Filipinas kas ti Philippine Islands, ti dagus a patarus ti kasisigud a nagan iti Espaniol. Idi las-ud ti Paset ti Panawen ti Amerikano a nagrugrugi a nagparparang ti nagan a "Filipinas", ti nagan nga opisial nga inampon.[3]
© MMXXIII Rich X Search. We shall prevail. All rights reserved. Rich X Search